Transport for Baku: Ağ Şəhərdə olan küçələrin tənqidi təhlili

Ağ Şəhərdə olan küçələrin tənqidi təhlili

Ağ Şəhər bir müasir şəhərsalma baxımıdan olduqca maraqlı nümunədir. Bakı şəhərinin bir çox yeni tikililərdən fərqli olarara bura sıfırdan planlaşdırılmış bir ərazidir. Burada əmələ gələn küçələr də çox maraqlı alınıb, burada iki ən əsas mələlələr var: insan miqyası və sıx, qarışıq şəhərsalma.

Misal üçün bu küçəni götürək.

Əvvəl müsbətdən danışaq:

1. Burada ortamərtəbəli, kvartal tipli şəhərsalma var, kvartallarım uzunğu da optimaldır

2. Küçədə ağaclar var. Daha yaşlı ağaclar ola bilərdi, amma deyəsən xəsislik ediblər

3. Ciblərdə paralel parklanma

4. Baryersiz mühit var

İndi isə bu küçələrin salınmasında və yol hərəkətinin təşkilində yol verilmiş səhvlərdən danışacam. Nəzərə alın ki, tənqid məhz küçə layihələndirməsinin müasir yanaşmalarını əsas götürəcəm. Təbii ki, Bakının başqa küçələri ilə müqaisə etsək, hər şey heç də pis deyil.

1. Bu növ kvartaldaxili yaşayış küçələrində sürət məhdudiyyatı 30-40 km/s olmalıdır və buna nail olmaq üçün Nəqliyyat axınının sakitləşdirilməsi üçün təbbirlər görülməlidir, məsələn: qaldırımış yol kəsişməsi

Və ya qaldırılmış pidaya keçidi.

Belə küçələrdə sürət düzgün seçilsə, heç velosiped zolaqlarına da ehtiyac qalmaz.

Nəqliyyat axınının sakitləşdirilməsi haqqındaburada oxumaq olar.

2. Başa düşdüyüm kimi burada hərəkət zolaqların eni standart 3.5-3.75 metrdir. Bu isə çoxdur, zolaqların eni 3 mert olmalıdır.

3. П-vari piyada keçidləri.

Təbii ki bu yol verilməzdir və belə olmamalıdır, bu ancaq qayda pozuntularının sayını artırır.

Bunadan əlavə əgər burada nizamlanmayan piyda keçidi qoyulurda mütləq təhlükəzilik adası olmalıdır.

4. Piyada keçidləri hər kəsişmədə və birləşmədə olmalıdır. Piyada keçidlər piyadalara lazım olan yerlərdə olmasa, piyadalar qaydaları daim pozacaqlar, məmurlar isə “mədəniyyətdən” danışmağa əlavə səbəb tapacaqlar.

5. Çox maraqlıdır ki, bir çox yerlərdə sol döngə qadağandır, səbəbi məlum deyil. Yaşayış küçələrində belə olmamalıdır.